"ШАГАА САДЫЫ» ДЕП САДЫГ-ДЕЛГЕЛГЕНИҢ КИРЖИКЧИЛЕРИНИҢ КИЧЭЭНГЕЙИНГЕ!
-
8 февраля 2020
События
Шагаа байырлалынга тураскааткан республика чергелиг тыва идик-хептиң, эдилелдерниң болгаш суй-белектерниң садыг-делгелгези февраль 16-да Тыва үндезин культура төвүнге болуп эртер.
Садыг-делгелгениң сорулгазы:
- тыва чоннуң уран чүүлүн, мергежилдерин сайзарыдырынга таарымчалыг байдалды тургузары;
- шеверлерни деткиири, чаа уран-шевер талантылыг аныяктарны илередири;
- тыва национал хепке, эдилелдерге, аъш-чемге, суй-белектерге чоннуң сонуургалын оттурары.
САДЫГ-ДЕЛГЕЛГЕНИҢ ЭРТТИРЕР ЧУРУМУ Садыг-делгелгеге янзы-бүрү материалдар-биле (ыяш, алгы-дүк, кеш, кидис, демир, ак, кара чонар-даш) ажылдап турар ус-шеверлер киржир. Киржикчилер февраль 15-ке чедир ЧАГЫЫН «Шагаа САДЫЫ» деп айыткаш, Тыва үндезин культура төвүнче киирер азы адаанда айыткан телефон дугаарынче долгааш, бижиттирип ап болур.
ЧАГЫГГА айтыр ужурлуг медээ:
- Ат-сывы;
- Чурттап турар чери;
- Ажылдап турар чери;
- Харылзажыр телефонунуң дугаары;
- Делгеп салыр бүдүрүлгезиниң ады.
Садыг-делгелге эрттирер олуттарны ЧАГЫГЛАР ААЙЫ-БИЛЕ белеткээр.
Ус-шеверлерниң ажылдары февраль 16-да 10 шакка чедир делгеттинген турар ужурлуг. Садыг-делгелге 10 шактан 16 шакка чедир ажылдаар. Садыгланыр олуттуң өртээ 100 акша. Харылзажыр дугаары: 8 (394-22)2-35-71 Эл.почта: ctyva@yandex.ru.
ДЕЛГЕП САЛЫР БҮДҮРҮЛГЕНИҢ ӨРТЕК-ҮНЕЗИН БАШ БУРУНГААР КӨСКҮ КЫЛДЫР БЕЛЕТКЕП АЛЫРЫН ДИЛЕДИВИС!
#тыватөп #Центр_тувинской_культуры #шагаа_садыы