Хүндүлүг Кызылдың чурттакчылары болгаш аалчылары!

21 февраля 2023

Праздники

Дооступ турар пар чылын үдеп, үнүп олурар суг олуттуг кодан чылын уткуп тур бис. Чаа чылда бодап чоруур күзелдериңер бүдүп-ле турзун. Аал-ораныңарга аас-кежикти, каң дег быжыг кадыкшылды, ынакшылды болгаш ажыл-херекке чедиишкиннерни, салып алган сорулгаларыңарны чедип алырын күзеп, йөрээп тур мен. Шагаа – тыва чоннуң чүс-чүс чылдарда сагып келгени ыдыктыг болгаш үнелиг байырлалы. Уткуп алган чылывыс – суг олуттуг көк кодан чылы. Ол оваарымчалыг, кашпагай, кичээнгейлиг амытан. Бо чыл ажылынга кызымак улуска улуг-улуг чедиишкиннерни сөңнээр. Буянныг байырлалывыста эки чүве элбек болзун, чаагай күзел бүдүп, сүлде хей-аът бедик болзун! КУРАЙ! КУРАЙ!