Тыва «Тиилелгениң диктантызын» бижээн

23 апреля 2026

Бөгүн Тыва “Тиилелгениң диктантызы” делегей акциязынга каттышкан. Ада-чуртчу хемчег республиканың муң ажыг чурттакчызын хаара туткан. Чүс үжен ажыг шөлчүгешке Тываның Чазааның төлээлери, тускай шериг операциязының киржикчилери, парламентарийлер, школачылар, студентилер, эки турачылар дээш, өскелер-даа идепкейлиг киришкен. Тиилелге диктантызын бижиир черлерниң бирээзи – Кызылдың 5 дугаар школазы. Кызылдың мэри Айдын Сарыглар төөгүнүң эвээш билдингир эгелерин өөренип көргеш, чылдың-на хемчегге белеткенип турарын чөпшээрешкен. Тиилелгениң эки турачылары Ада-чурттуң Улуг дайынының база амгы тускай шериг операциязының төөгүзүн шын билип, дайынчыларның маадырлыг чоруун утпазы чугула дээрзин оназалап демдеглээн. Диктантыда 25 айтырыг бар. Бо чылын тускай шериг операциязының дугайында айтырыгларны киирген.